Related Posts with Thumbnails

2011年12月27日 星期二

泉章居 - 金牌鹽焗雞

因為要一早回去夾歌, 晚飯也沒有機會吃, 聚會完了已經係九點幾了, 就一行六人來了這裡吃個晚餐加宵夜.

上一次來也是跟弟兄姊妹一齊食的, 轉眼間都有一大段日子了. 還記得上次的經驗係幾差, 見那麼久沒有來, 也值得再試一次的. 夜了, 當然不用等位, 至少比正常吃飯時候為優勝. 如果要等半個一個鐘, 小弟就一早走了.

其實係度從來不看餐牌的, 就剔套餐紙就得. 有二四六揀, 六個人, 就要了個六人餐, $428, 起初還以為叫了太多, 原來一眾姊妹的食力係不小的.

例湯: 6, 係節瓜湯, 好大煲, 不過都係有師傅的痕跡, 也幾油.


金牌鹽焗雞(一隻): 9, 上次吃的鹽焗雞係完全不行, 詳細情節可爬文至這店的舊食評. 今次係一大隻, 個碟理所當然的油, 要吃得健康, 也不會走來這裡吃雞嘛. 因為實在好大碟, 係吃了好多好多件, 黑肉部份當然好嫩猾, 雞胸肉也比想像中滑, 加上鹽焗得好入味, 令人滿意. 那件雞皮更係精華所在, 但不能多吃, 真係可惜. 亞妹不知為何, 用了自己吃過的筷子去撈沙薑醬, 但係始終吃鹽焗雞, 當然要點點沙薑醬, 最後都係勉為其難地去食亞妹的口水味. 是否大家日後要聽她的話?



梅菜扣肉: 8, 吃客家菜, 除了鹽焗雞, 另一個主角就係梅菜扣肉, 也是另一味肥到飛起的菜色. 是晚的扣肉也有一大舊肥肉, 只吃了小小, 也幾香口, 不過瘦肉部份就稍為實了點. 底下的梅菜用來撈飯, 也沒有不好吃的理由, 只係看見那浸油, 你敢吃幾多?


酸甜生炒排骨: 7, 係炸得幾脆的, 也熱辣辣, 不過比較多粉, 口感差了點.


時菜扒牛丸: 7, 姊妹P的推介, 當然要試試. 菜心係大大舊, 不過都未算很老的. 界開了的牛丸, 相當大粒, 也爽口的. 但小弟對丸類的興趣不大, 淺吃小小算了.


薑汁酒炒芥蘭: 6, 始終以姊妹為主, 也要多一點菜, 除了菜心, 仲要芥蘭. 薑汁酒的味道不太突出, 還有幾大份量的油係面. 我還是喜歡菜葉多些.


沒有糖水送, 不過也吃不下了. 整體食物係出色的, 叫個套餐也幾經濟, 不過要等的話, 或許觀感會不一樣.

評分
味道: 7/10
環境: 6/10
服務: 6/10
抵食: 7/10
推介度: 7/10

餐廳資料:
泉章居
旺角奶路臣街33號依利大廈2樓及地下E號舖
2396 0672

沒有留言:

張貼留言