Related Posts with Thumbnails

2012年5月21日 星期一

蓮香樓 - 水花四濺

頌揚的茶聚常有, 但去到上環, 還是第一次. 係入長州之前, 大家先係蓮香飲茶. 雖然係一大早, 也有五個人出席是次茶局. 小弟跟文迪早一點來到霸位, 先揀定目標, 取得兩個位, 再慢慢進一步蠶食旁邊的位, 轉眼間已經有五個位了.

來得這裡, 當然係用茶盅, 一時間也水花四濺, 相當熱鬧. 至於吃的, 當然不能係位等, 大家也輪流衝出去搶食物, 尤其係飽, 真係要搶返來的.

叉燒腸粉: 8, 一吃落口, 即刻有好香麻油味傳來, 叉燒不會太肥.

馬拉糕: 8, 相當鬆軟, 加上豬油香同蛋香, 好吸引, 兩三下就給大家吃光了.


灌湯餃: 7, 這裡的灌湯餃都已經不是最傳統那一種了, 不過相當之大盅, 我們五個人也要了三客分吃. 件餃也好大隻, 足料, 不過個湯就不太清甜.

豬肚燒賣: 8, 當然要了客招牌作豬肚燒賣, 豬肚大大件, 也洗得乾淨, 幾爽口的. 始終不是到到都有得吃的, 來得這裡也應該一試的.


牛肉: 7, 其實一向麻麻喜歡係飲茶時叫牛肉吃的, 是日的, 當然不是小弟叫的, 不過也吃了一件, 感覺一般.

魚頭: 要了客魚頭, 大大件魚頭, 小弟係無乜好感, 留給兩個魚頭人吃好了.

鮮竹卷: 7, 另一個小弟不太喜歡的點心係鮮竹卷, 這裡的也係個汁杰杰的.

蝦餃: 8, 蝦肉算新鮮的, 蝦餃皮也幾薄, 不錯.

蓮蓉包: 9, 再一次吃這裡的蓮蓉包, 繼續的精彩, 也沒有負了蓮香這個名字, 這裡的蓮蓉包吃落口係有相當正的蓮子香, 加上蛋皇, 但又不會太甜, 包係好鬆軟的. 一句: 搶得到的, 係一定要了一客的.


麻蓉包: 10, 多得弟兄M, 大家也有麻蓉包吃. 係度, 麻蓉包係更加珍貴, 供應時間不穩定, 數量又小, 只能夠講, 吃得到已經係種福氣. 白芝麻係比蓮蓉包更加之香.


奶皇包: 8, 相對地, 奶皇包係比較失色的, 沒有蓮蓉或者麻蓉的搶鏡, 但也有一定水準. 沒有機會吃到前兩者的, 吃吃奶皇包補數都未嘗不可.

作為香港其中一間最傳統的茶樓, 這裡的水準係不會令人失望的. 飲茶好, 晚飯好, 也係值得再來的.

評分
味道: 8/10
環境: 6/10
服務: 6/10
抵食: 8/10
推介度: 8/10

餐廳資料:
蓮香樓
中環威靈頓街160-164
2544 4556

沒有留言:

張貼留言